| أهلا وسهلا بك إلى منتدى عالم فى الروقان. |
| أهلا وسهلا بك ضيفنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمات، بالضغط هنا.كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، وفي حال رغبت بقراءة المواضيع والإطلاع فتفضل بزيارة القسم الذي ترغب أدناه. |
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
آخر المواضيع |
|---|
| شاطر |
 الجمعة ديسمبر 18, 2015 11:48 pm | المشاركة رقم: 1 | |||||||||||||||||||||||||||||||||||||||||||||||
|  موضوع: روايه "انت سببي لمقاومه الحياه"  روايه "انت سببي لمقاومه الحياه" سلام كيفكم؟ انا حبيت انزل روايه واللي اهي ثالث روايه اكتبها لكن ان شاء الاولى اللي بكملها اهي اغلبها حقيقه لكن فيها شوي خيال عشان اعطي حماس الحين بس راح انزل البارت التعرفيني عن الابطال الاربعه فيه ابطال ثانيين لكن غالبا الروايه عن هذول الاربعه .. طبعا الاسماء والوصف حق الشخصيات حقيقي اول شي نبدا بساره شكلها: بنت عاديه عمرها 13 باولى متوسط قزمه ومكتنزه او كما يسميها شعبنا مربربه بشرتها بيضا على امها السوريه وكل من شافها قال انها سوريه وماصدق انها سعوديه الا اذا قالت عايلتها شعرها اشقر غامق االى نص ظهرها وناعم لكن خربته بالستريت والسشوار والخرابيط ذي عيونها وسط موب كبيره وولاصغيره لونها بني غامق شفايفها ورديه فاتحه وموب صغيره وولاكبيره عاديه اما خشمها حلو بس كبر عشان فتره بلوغ يتفلطح هههههههههههههههه فيها شوي قوه لكن ماتحس بهالشي اهي .. صفاتها؟: عصبيه وتتنرفز على طول ماتشوف قدامها اذا احد سبها او سب احد تحبه انسانه قلبها طيب وتثق على طول تكره فكره ان اغلبها مطاوعه وشيوخ وهيئه لان كل ماسوت شي يقولون اهلها احنا يقرب لنا الشيخ الفلاني والعلاني ومتسرعه وتصرفاتها واسلوبها ماتقدر تتحكم فيه وتكره هالشي وحقوده وتفقع كبد اللي قدامها بنظراتها واسلوبها .. اتوقع يكفي وبتعرفونها مع الروايه رغد شكلها: بنت عاديه عمرها 13 باولى متوسط شعرها بني غامق وطوله لنهايه ظهرها ودايم تسويه ستريت قزمه وسمينه مرا بشرتها بيضا لكن موب ابيض من ساره شفايفها صغيره وورديه عيونها صغيره وبنيه غامقه خشمها موب حلو كلشكلش .. صفاتها؟: نذله وحقوده ومغروره تتظاهر قدام الناس بطيبتها لكن من جواها خبيثه يعني ام وجهين مغروره حييل -مدري على ايش- مهايطيه درجه اولى لكن ابدا موب قويه وراح تعرفونها زين الجوهره -الجوهره من يومها بزر اهل امها ينادونها جوري ف في الروايه بسميها جوري- شكلها؟: بنت عاديه 13 باولى متوسط وتصير بنت عمه ساره وساره بنت خالها طويله مرا وساره توصل لكتفها سمينه مرا وعريضه بشرتها سمرا خشمها كبير نفس ساره هههههههههههه شعرها اسود لاخر ظهرها وكيرلي بطبيعته وجميل عيونها عاديه ولونها بني مرا غامض من فمقه تقول سودا شفايفها شوي كبيره وغامقه موب مرا تجذب .. صفاتها؟: اقرب وحده لساره وتثق فيها ثقه عمياء لحظات طيب ولحظات خبيثه يعني ماتقدر تحكم عليها لكن خبثها اكثر تحب عبود وتعشقه من سنوات حقوده ومغروره اذا تضايقت تلجا لساره واهلها مدلعينها لكن اهي جاحده انها مدلعه ودايم تسوي نفسها المظلومه .. تعرفون عنها اكثر بعدين واخيرا؟ حبيبتقلبي العنود .. طبعا هذا موب اسمها الحقيقي لكن انا لما قلتلها اني بنزل روايه حقيقيه عن اللي صار لنا طلبت مني اني اغير اسمها وم اوصفها .. عاد لكم حريه تخيل شكلها .. بس معلومه؟ تراها مزه .. صفاتها؟: طيبه وحنونه قلبها ابيض تثق بصديقاتها كثيير مستعده تضحي بكل شي عشان تستمر علاقتها مع اي شخص بجد تحبه صوتها جميلجميلجميل والاجمل اذا غنت اااااه يقلبيه عليها -سامعه وخاق عليه  - ماتحب تكذب ابدا وكل من حاكاها حبها وحب شخصيتها الجميله -انا اولهم- وراح تعرفون شقد اهي انسانه طيبه وجميله مع الروايه وبس هذي الشخصيات اللي تهمكم .. وشسمه ذا ترا ماعندي وقت معين انزل فيه البارتات متى م فضيت وحسيتني موب تعبان نزلت بارتات .. والروايه راح تكون تتمحور عن ساره اكثر من غيرها الموضوع الأصلي : روايه "انت سببي لمقاومه الحياه" // المصدر : منتديات عالم في الروقان // الكاتب: يوسف شعرون
| |||||||||||||||||||||||||||||||||||||||||||||||
| الجمعة ديسمبر 18, 2015 11:50 pm | المشاركة رقم: 2 | |||||||||||||||||||||||||||||||||||||||||||||||
| موضوع: رد: روايه "انت سببي لمقاومه الحياه" روايه "انت سببي لمقاومه الحياه" شسمه ذا ترا هذي الاشياء اللي بحكي عنها في الروايه صارت السنه اللي راحت فبتجي اشياء قام عزها السنه اللي راحت والحين انسحب عليها .. يعني اذا جا موب تقولون يوووه م ماتو ذولي ومن هالحكي؟ ياخ وشذا تحطمت اكثر من 500 شافو البارت التعريفي لكن ولاكومنت؟ ع العموم ببدا بالبارت الاول الساعه 6 ببيت رغد ام رغد : شوفي يارغد ان ماقمتي هالحين بتشوفين اللي ماعمرك شفتيه رغد : طب ابي اشوفه ام رغد : رغد يامال الوجع قومي بتداومين اليوم رغد استقعدت : منجدس انتي اداوم اليوم الاول؟ ام رغد : من فوق خشمك بتداومين رغد قامت : هفففففف نكد من اول ما اقوم قامت غسلت وجهها وصلت ونزلت تفطر وبعدها راحت للمدرسه عند العنود ام العنود : العنود؟ العنود يمه قومي يالله العنود صحت على طول وهي رايقه : صباح الخير يا اجمل ام بالدنيا ام العنود : صباح النور يا اجمل بنت بالدنيا وش هالرواق اليوم؟ العنود ضحكت بخفيف : مدري بس احسني متنشطه ورايقه اليوم ام العنود : دوم يبنتي يالله قومي عاد عشان تسوين كلشي برواق بدون خرشه العنود : يالله مامي قمت .. قامت غسلت وجهها وفرشت اسنانها وغسلت للصلاه وصلت ونزلت افطرت وبعدها راحت عند ساره من نص ساعه تصحيها امها وللحين ما صحت ام ساره : ياساره يبنتي بتفقعين مرارتي قومي ساره بنوم : همممممم ماما ابي انام اصلا بغيب اول يوم مابي اداوم ام ساره تهاوش : بتداومين م فيه غياب والحين قومي ساره : مابي منب قايمه اتركوني في حالي هماكم دايم تقولون انا مزعجتكم ونوم الظالم عباده؟ خلوني اسوي عبادتي براحه ام ساره خلاااص وصلت معاها : طب ي ساره انا مالي دخل من اليوم ورايح م راح ااصحيك اللي بيصير يصحيك اخوك ساره يوم سمعت كلمه اخوك نقزت بسرعههه وباست راس امها : لامامي حبيبي شوفيني شحليلي قمت ام ساره واهي متنرفزه : من بعد م قلت اسم اخوك قمطتي ي قموط ساره :: ماما خييير؟ .. وقامت وغسلت وجهها وصلت وفرشت اسنانها وافطرت وجلست تسولف مع ابوها بالمدرسه العنود دخلت وانتظرت الاعلان عن الاسماء وعرفت انها بفصل اولى اول وجلست مع ود واسرار رغد سمعت الاعلان وعرفت انها بفصل اولى اول لكن سحبت عليهم وجلست مع قروبها ساره دخلت واهم يعلنون وسمعت يقولون اولى ثالث ندى .... ساره "وجعععع ذي وش جابها؟ هماها تقول انها ناقله لمدرسه ثانيه؟ ويعه ويعه مالت بس على حظي" وعرفت انها بفصل اولى اول رجعت مع بنات فصلها لقت ود واسرار على طول راحت معاهم وسلمت عليهم تريتبيهم كذا كان -العنود - اسرار - ود - ساره- ساره من ع الطرف من اليمين ساره : ود حبيبي يطلبك؟ ود : وش؟ ساره : بنسدح عليك تكفيييين فيني نووم ود : طب ساره انسدحت عليها بس قامت عشان الاداريات تزققو عليها جلسو يسولفون الاداره والبنات محد معطيهم وجه غير الدفرات وبعدها رقو للفصول اول م دخلو رغد "يليييل م فيه معي احد من قروبي وش اسوي هالحين؟ اووه ذي ساره ومتهاوشه مع صديقتها اكيد م معها احد بروح لها" : هااي ساره ساره ابتسمت : هاي رغد : تعالي يزق اشتقنالك وينك مختفيه ساره : والله انا ماختفيت ادخل كيك وانستا واسك وش تبين اسوي زياده؟ رغد تورطت لانها ماتعرف كثير عن ساره : طب طب تعالي مع مين بتجلسين؟ ساره : والله عاد انا وحظي رغد "حلووو" : طب حظك جابني ساره مستغربه كيف رغد كذا معاها: طب باوريكم ترتيب الفصل بعد الحوسه والخرابيط ذي كلها بنت بنت بنت بنت بنت بنت بنت بنت بنت بنت بنت بنت العنود بنت بنت بنت بنت بنت بنت بنت ساره رغد غاده نوره نهيز شموخ لينه بنت معاني شموخ طبعا بما انه اول يوم ما سوو شي بس استلام كتب واستاذات يقرقون على روس البنات ويسوون نفسهم قويات رغد : اسمعي بنادي العنود ساره : لا ما احبها اكرهها انا لاتنادينها رغد : لالا تراها انسانه جميله ساره "اللهم صبرك يارب" : طب يالله ناديها رغد تصرخ : العنوووود تعاااالي -بنات الفصل يطالعون وشذي اللي تصارخ- العنود : هلا؟ رغد : تعالي يزق نبي نسولف معاك العنود "معها ذي؟ ماطيقها والحل الحين؟" : يالله جيت وجلسو يسولفون ويهرجون وخلص اليوم واهم على هالحال ويتعرفون ع بعض اكثر والعنود وساره بدو يحبون بعض شوي الموضوع الأصلي : روايه "انت سببي لمقاومه الحياه" // المصدر : منتديات عالم في الروقان // الكاتب: يوسف شعرون
| |||||||||||||||||||||||||||||||||||||||||||||||
 |  | |||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||
 |  |
هام جداً: قوانين المشاركه في المواضيع. انقر هنا للمعاينة 
