أشهر جمل بيقولوها الاب والام

السبت أكتوبر 27, 2012 2:22 am

أشهر جمل بيقولها الأب والأم في مصر 2
* ذاكر سعتين بتركيز كأنك ذاكرت اليوم كله (الغريب اما تقعد تذكر سعتين يقولو و هي دي مذكره).
* مذاكرة ايه دا اللى على السرير.
* بلاش البرفان وانتى نازله.
* يا ابني تعالي اقعد معانا ولا انت ماجر اوضه جوه البيت ......
* ابقي نشف الحمام بعد ما تخرج منه.
* اعملى حسابك اول ماالدراسه تيجى الرسيفر هيتشال هو والتليفزيون.
* قبل الفجر: ارجع بات في المكان اللي انت جاي منه.
* لو كانت اللي علي التليفون طنط سلوي قوليلها ماما نايمة .
* ابقى قابلني بكرة تاخد بالجزمة وتاكل كل حاجة غصب عنك.
* عيشه تقصر العمر والواحد هيلاقيها منين ولا منين وانا خلاص زهقت وجبت اخري وانا عارفه مش هترتاحو
غير لما اموت.
* يابنى حرام عليك هات قناة الناس الشياطين ماليه البيت.
* متحطيش الموبيل جنبك و انت نايمه هيجبلك تخلف عقلي .
* ذاكر ياموكوس مش فالح غير فى الهيافه والكلام الفاضى.
* متتأخرش وهات عيش وانت جاى .
* هو ده اللي انت فالح فيه طول اليل والنهار قاعد علي الزفت الكمبيوتر بتاعك لحد مهيجلك تخلف عقلي منه .
* كل يوم هات هات لمة ربيتلى الهتهات
* هتذااااااااكر هتاخد عنية مش هتذااااااااااكر هتاخد بالجزمة
* ابقى ورينى مين حينفعك فى الاخر من شوية الصيع الى انت مشيلى وراهم .
* قوم اقرا لك كلمتين ينفعوك .
*مش ملاحقه علي التليفون ولا الموبيل عملالي فيها الست المهمه.
* برة البيت بتضحكوا وجوة البيت لاوى لنا بوزك ............ خلي شوية اصحابك الصيع ينفعوك.
* لما ما ترضاش تاكل في البيت:طبعا مانت اتعودت علي اكل بره .
* عيـــب ... لازم تحترم اللي أكبر منك .
* هياا الوزيرة معندهاش وزاره النهارده قومى يا حبيبتى الساعه10 .
* انته مبتكلش جزر ليه .. اجيبلك برتقانه. طب كل سلطه .
* يبني بأسلوبك ده مش هتعيش معاك واحده .
* قومي ساعدي امك ده اللي هيتجوزك أمه داعية عليه.
* يا ابني حرام عليك الى بتعمله فينا ده.
* لمى هدومك انتى مش عايشة فى زريبة بكرة اشوف بيتك هيبقى ازاى خرابة طبعا.
* وانت فاكر احنا مستنيين منك حاجه .
* انتا لو فلحت تبئى تيجى (احم احم ) متهيئلى معروفة على ئبرى .
* ابقي قبليني لو فلحتي ...بس ديما مش بيقلوا نقبلهم فينّ!!! غربيه .
* لما الولد او البنت ماتاكلش تقعد الام تقول وشك بقى عامل زى اللقمة
المقمرة هتتعبى ومش هتقدرى تروحى الكلية و هلف بيكى على الداكترة.
* بلاش تمشى حافى البس شبشب وانته داخل الحمام .
* فلوسك بتروح فين يا هبله انتي بتصرفي على الصبيان؟؟.
* مع ان الواحد كل سنة بينجح و رغم كدة يقولولك ابقى تف على وشى لو نجحت كل سنة الكلام دة
* انا عارفة ازاى المك .
* ادلعى ياهبلة فى ايامك المهببه .
* والله لو منضفتيش الشقه ومسحتيها ما في نزول النهرده ..
* ابوكم كان دايما بيطلع الاول على الفصل... " لما كلهم كده امال مين الى بيطلع الاخير .
* ماتطلعش على الملاية النضيفة ورجليك مت******ة كده .
* حول القناة دى ... بلاش مسخرة وقلة أدب
*نسيت تشرب ؟ نسيت تاكل ؟ نسيت تقول هاتوا مصروف ؟ نسيت تعكنن عليا وعلى أمك ؟
* طلع إيدك من جيبك وإنت بتكلمنى
* سلم على عمك كويس يا ولد .
* يا ابنى محدش بينفع حد .
* ماتطلعش إيدك من شباك العربية
* إنت فاكرنا لاقيين الفلوس دى فى الشارع .
* والله ما إنت فالح .. وآدى دقنى اهيه .
* ما تتكلمش بصوت عالى فى الحمام .
*ماتنامش غير لما تغسل سنانك
* ماتلزقش فى التليفزيون كده .... نظرك هايضيع .
* يا ابنى أنت مسطول ولا إيه .
* إنت فاكرنا نايمين على ودانا
* ( حضرتك راجع البيت متأخر و عاوز تتوه الموضوع وانت بتكلم مامتك )

انت : ماما عاملة ايه مش عارف ليه حاسس انك وحشتيني يا ست الحبايب
مامتك : وحش اما يلهفك كنت فين ياد يا صايع انت ؟ ايه اللى رجعك متأخر امبارح ؟؟ أشهر جمل بيقولوها الاب والام Mood3